: ماعلموك بغيبتك وش جراااالي! -||-

ماعلموك بغيبتك وش جرالي؟
حتى ( الخبل ) لا شافني قال عزاه

مافيه شيٍ موحشٍ ما طرالي
ولا فيه ضيق الا تعانقت وياه

هذا مداه وضاق صدر الشمالي
تقولليّ وش جاه؟ واقول وش جاه؟!

عزيز قوم وبهذلَتْه الليالي
كبا. به حصانه وخانت به خطاه

شف حالتي والصبر ما سرّ حالي
بين اصدق الاحساس واللأ مبالاه

تعبت اقول ان ( الامل ) راس مالي
واشوف ثوب الصبر ينشق وارفاه

(الياس) حِمله فاق كل احتمالي
نوب اتعثر به ونوب اتخطراه

يرسم على وجهي ملامح ظلالي
واحاول ارسم بسمتي واتحداه

ضميان والعد القراح الزلالي
كبدي تبي قربه ونفسي تحاشاه

طاح الدلو . والسانيه . والحبالي
وانا على جاله ولاذقت من ماه

والحاجه اللي في نفوس الرجالي
اكثر حراها تخلف الرجل مبداه

كلمه تقال وكلمةِ ما تقال
يما كل ما فالصدر للناس تقراه

لو شلت ما شالت ظهور الجمالي
لاطحت . ماقالوا عسى الله ياقاه

يا علّ ما لمنقّل الهرج وآلي
وابليس ياويله من الله ويلاه

لكن بعد ما صار ما زلت غالي
مثل السقيم اللي حمل داه برداه

ان جيت يبقى منزلك بالعوالي
عرشك على حطت يدك ماحدِ جاه

وان رحت .. امي جايبتني لحالي
الحب عايش به وعايش بلياه

يسلموا ويشرفني اني اول من رد ع موضوووعك

يسلموووووووو

مشــكووره

يسلموا